دوو هاووڵاتیی کوردی خەڵکی شاری شنۆ، لە لایەن هێزە ئیتلاعاتییەکانەوە، دەسبەسەر کران.
بەپێی ڕاپۆرتی گەیشتوو دوو هاووڵاتییەکی خەڵکی شاری شنۆ، بە ناوی “ڕەحیم ئەرشەدی”،هێمن بایزیدی لە لایەن هێزە ئیتلاعاتییەکانەوە، دەسبەسەر و بۆ شوێنێکی نادیار ڕاگوێزرا.
بە وتەی سەرچاوەیەکی ئاگادار، هێزە ئیتلاعاتییەکان بەبێ بەڵگەی یاسایی، ئەو دووهاووڵاتییە کوردەیان دەسبەسەر و بۆ شوێنێکی نادیار ڕاگواستووە.
ئەم سەرچاوەیە هەروەها وتی: “زانیارییەکی ورد لە هۆکاری دەسبەسەرکردنی ئەم دووهاووڵاتییە، لەبەر دەستدا نییە”.
هەتا کاتی بڵاوبوونەوەی ئەم هەواڵە، هیچ زانیارییەک لەمەڕ شوێنی ڕاگیرانی ئەم هاووڵاتییە لەبەر دەستدا نییە.