خۆڕاگری: لاوێکی تەمەن ۱۹ساڵانی خەڵکی بەدرە بەناوی “عیرفان کەرەم‌وەیسی” لەلایەن هێزە سەرکوتکەرەکانی ڕێژیمەوە ئێرانەوە دەسبەسەر کراوە و چارەنووسی ناڕوونە.
بەپێی هەواڵی ماڵپەڕی ئەنجومەنی زیندانییە سیاسییەکانی ڕۆژهەڵاتی کوردستان “خۆڕاگری” ڕۆژی شەممە، ٢٥ی ڕەزبەری ١٤٠٥ی هەتاوی “۱۷ی ئۆکتۆبەری ۲۰۲٦ی زایینی” عیرفان کەرەم‌وەیسی، لاوی تەمەن ۱۹ساڵانی خەڵکی شارە “بەدرە”ـی سەربە پارێزگای ئیلام، لەلایەن هێزە داگیرکەرەکانی ڕێژیمی ئێرانەوە بەبێ بوونی هیچ بەڵگەیەک دەسبەسەر و بۆ شوێنێکی نادیار گوازراوەتەوە و چارەنووسی ناڕوونە.
ناوبراو دوای دەسبەسەرکردنی تا کاتی ئامادەکردنی ئەم هەواڵە، هیچ زانیارییەکی ڕاست و دروست لەسەر هۆکاری دەسبەسەرکردن، شوێنی ڕاگیران و چارەنووسی لەبەردەستدا نییە و هەوڵ و بەدواداچوونی بنەماڵەکەشی بێئاکام ماوەتەوە و هەروەها دەسبەسەرکردنی هاووڵاتییان لەلایەن کۆماری ئیسلامییەوە بەبێ ڕوونکردنەوە و ڕاگرتنیان لە شوێنی نادیار، بووەتە سەرچاوەی نیگەرانیی قووڵی بنەماڵە و کەسوکاریان.
Be the first to comment