خۆڕاگری: لە درێژەی بەرەوامیی دەسبەسەرکردنی هاووڵاتییان و چالاکانی کوردستان، مەتین فەرامەرزی، چالاکی کلتووریی خەڵکی مەهاباد، لەلایەن ڕێژیمەوە دەسبەسەر و بۆ شوێنێکی نادیار گوازراوەتەوە.
بەپێی هەواڵی ماڵپەڕی ئەنجومەنی زیندانییە سیاسییەکانی ڕۆژهەڵاتی کوردستان “خۆڕاگری” ڕۆژی چوارشەممە ١٧ی پووشپەڕی ۱٤۰٥ی هەتاوی (٨ی جولای ٢٠٢٦)، مەتین فەرامەرزی چالاکوانی کلتووری و هاووڵاتیی خەڵکی شاری مەهاباد، لەلایەن هێزە سەرکوتکەرەکانی ڕێژیمی ئێرانەوە بەبێ بوونی هیچ بەڵگەیەکی قەزایی و یاسایی، دەسبەسەر کراوە و گوازراوەتەوە بۆ شوێنێکی نادیار.
هێزە سەرکوتکەرەکانی ڕێژیم لە شوێنێکی گشتیدا، بەشێویەکی دڕەندانە هەڵیانکوتاوەتە سەر ناوبراو و بە بەکارهێنانی کردەوەی توندوتیژی دەسبەسەریان کردووە و ڕفاندوویانە بۆ شوێنێکی نادیار و تائێستا سەرەڕای تێپەڕبوونی سێ ڕۆژ بەسەر دەسبەسەرکردنیدا هیچ زانیارییەکی ڕاست و دروست لەسەر هۆکاری دەسبەسەرکردن، شوێنی ڕاگیران و چارەنووسی لەبەردەستدا نییە و هەواڵ و بەدواداچوونی بنەماڵەکەشی بێئاکام ماوەتەوە.
Be the first to comment