خۆڕاگری: ڕۆژی دووشەممە ١٩ی خەزەڵوەر، لاوێکی کورد بە ناوی “محەممەد قادری‌ئازەر” تەمەن ٢٣ ساڵ کوڕی خدر و خەڵکی گوندی “گەزگەسکـ”ـی شاری پیرانشار، لەلایەن هێزە ئەمنییەتییەکانەوە دەسبەسەر کراوە و بۆ شوێنێکی نادیار ڕاگوێزرا.
هێزە ئەمنییەتییەکان بەبێ بەڵگەی یاسایی ئەو هاووڵاتییە کوردەیان دەسبەسەر کردووە.
بەدواداچوونی بنەماڵەی ئەو هاووڵاتییە کوردە، بۆ ئاگاداربوون لە چارەنووس و شوێنی ڕاگیرانی کوڕەکەیان، بی ئاکام ماوەتەوە و لەلایەن هێزە ئەمنییەتییەکان هیچ وڵامێکی ڕوونیان وەرنەگرتووە.
هەتا کاتی ئامادە کردنی ئەم هەواڵە، لە هۆکاری دەسبەسەر و تۆمەتی وپاڵدراو دژی ئەو هاووڵاتییە کوردە، هیچ زانیارییەک لەبەردەستدا نییە.