ڕاپۆرتی بەشێک لە پێشێلکاریی مافی مرۆڤ لە وەرزی بەهاری ١٣٩٩ی هەتاویدا
کوژران و برینداربوونی ٥٨ کۆڵبەر، بەندکردنی ١٠٦ چالاکی سیاسی، ئێعدامی ١٤ بەندکراوی کورد
(ڕاپۆرتی بەشێک لە پێشێلکاریی مافی مرۆڤ لە ڕۆژهەڵاتی کوردستان بەهۆی دەزگای قەزایی، هێزە چەکدارەکان و ناوەندە ئەمنیەتییەکانی کۆماری ئیسلامیی ئێرانەوە لە وەرزی بەهاری ١٣٩٩ی هەتاویدا)
کوردستانی ئێران لە ساڵی نوێی ١٣٩٩و لە وەرزی یەکەمی ئەمساڵیشدا هەمدیسان وەک ڕابردوو بەشی شێری لە سەرکوتکاریی کۆماری ئیسلامی و پێشێلکردنی مافی مرۆڤ لە هەموو بەستێنەکانی سیاسی، مەدەنی، کۆمەڵایەتی و ئابووریدا پێ برا.
بەپێی ئەو داتا و زانیار‌یانەی ناوەندی مافی مرۆڤ بۆ ڕۆژهەڵاتی کوردستان لای خۆی تۆماری کردوون، تەنیا لە ماوەی سێ مانگی بەهار و سەرەتای ئەمساڵدا زیاتر لە ٣٠٠ حاڵەتی پێشێلکردنی زبری مافی مرۆڤ لە کوردستان ڕووی داوە.
لە ماوەی ئەم سێ مانگەدا کە کۆمەڵگەی مرۆیی بە پەتای کۆرۆناوە گرفتار بووە و هەموو وڵاتان و دەوڵەتان بەپێی توانایان لە هەوڵی خزمەتکردن بە خەڵکی خۆیان و کەمکردنەوە لە مەینەتی و کێشەکانیاندا بوون، ٥٨ کۆڵبەر و کاسبکاری ناوچە سنوورییەکانی کوردستان بوونەتە قوربانیی سیاسەتی پەرەنەسەندنی کوردستان لە ڕووی ئابووری و، ڕەفتاری دوژمنکارانەی کۆماری ئیسلامیی ئێران دەرحەق بە گەلی کورد. لەو ٥٨ کۆڵبەرە ٢٤ کەسیان کوژراون و ٣٤ کۆڵبەریش بریندار بوون. هەروەها دوو کۆڵبەریش بە هۆی تەقینەوەی مین لاقیان پەڕیوە.
کوژران و برینداربوونی ٥٨ کۆڵبەر و کاسبکاری کورد لە وەرزی بەهاری ئەمساڵ لە حاڵێکدایە کە لە ساڵی ڕابردوو (١٣٩٨)یشدا ٢٤٠ کۆڵبەر و کاسبکاری کورد بەهۆی تەقەی ڕاستەوخۆ، تەقینەوەی مین، بەربوونەوە لە بەرزایی لە سۆنگەی ڕاوەدوونان و هەروەها ڕەق‌هەڵاتن لە سەرما گیانیان لەدەست دا و بریندار ببوون. لەو ٢٤٠ قوربانییەی ساڵی ڕابردووی هەتاوی ٧٣ کەسیان کوژرابوون و هەروەها ١٦٧ کەسیش بریندار ببوون.
هەر لە ماوەی ئەم سێ مانگەدا ١٠٦ کەس لە خەڵکی ئاسایی و چالاکانی مەدەنی و سیاسی لەلایەن دەزگا ئەمنیەتییەکانەوە بە تۆمەتی چالاکیی ئەمنیەتی و سیاسی لە دژی کۆماری ئیسلامی و بەرژەوەندییەکانی ئەو ڕێژیمە گیراون. ژمارەیەک لەوان دوای لێکۆڵینەوە و لێپێچینەوەکانی ناوەندە ئەمنیەتییەکان تا کاتی دادگاییکرانیان بە دانانی بارمتە ئازاد کراون و ٣٦ کەس لەوان حوکمی ٢ مانگ تا ٢٥ ساڵ (سەرجەم ٢٣٧٢ مانگ) زیندانیان بەسەردا سەپاوە، بەندکراوێکی سیاسیی کوردیش بەتۆمەتی ئەندامەتیی حیزبێکی کوردی سزای ئێعدامی بەسەردا سەپاوە؛ هەروەها دوو بەندکراوی سیاسیی کوردیش لەژێر ئەشکەنجەدا گیانیان لێ ئەستێندراوە.
جێی بیرهێنانەوەیە کە ساڵی ڕابردوو (١٣٩٨)یش لانیکەم ٨٥٤ کەس لە خەڵکی ئاسایی و چالاکانی مەدەنی و سیاسی لەلایەن دەزگا ئەمنیەتییەکانەوە بەتۆمەتی چالاکیی ئەمنیەتی و سیاسی لە دژی کۆماری ئیسلامی و بەرژەوەندییەکانی ئەو ڕێژیمە گیرابوون. لەو ٨٥٤ بەندکراوە سیاسییە لانیکەم ٢٠١ کەسیان دادگایی و سزای لە سێ مانگ تا سزای درێژخایەنی ٣٠ ساڵ زیندانیان بەسەردا سەپابوو. هەروەها ٢ بەندکراوی کوردیش بەتۆمەتی موحاربە و ئەندامەتیی حیزبە کوردییەکانی ئۆپۆزیسیۆنی ڕێژیم سزای ئێعدامیان بەسەردا سەپابوو و ٥ بەندکراوی کوردیش لەژێر ئەشکەنجە یان بەهۆی پێڕانەگەیشتنی پزیشکی لە گرتووخانەکان و ناوەندە ئەمنیەتییەکاندا گیانیان لێ ئەستێندرابوو.
لە ماوەی سێ مانگی بەهاری ئەمساڵدا لانیکەم ١٤ بەندکراوی کورد ئێعدام کراون کە مستەفا سەلیمی، یەک لەو بەندییە ئێعدامکراوانە زیندانیی سیاسی بوو کە توانیبووی لە زیندان ڕابکا؛ بەڵام دوای ئەوەی لە هەرێمی کوردستان دەستبەسەر و ڕادەستی کۆماری ئیسلامیی ئێران کرایەوە، لەدار درا. ئەو ١٣ زیندانییەی دیکەش کە لە سێ مانگی بەهاری ئەمساڵدا گیراون، پێشتر بە تاوانی کوشتن بە ئانقەست یان تاوانەکانی پێوەندیدار بە مادەی هۆشبەر سزای ئێعدامیان بەسەردا سەپابوو.
ئاماری ئێعدامەکان لە کوردستان لە ماوەی ساڵی ١٣٩٨یشدا لانیکەم ٤٦ کەس بوو کە به‌پێی ڕێژه‌ی حه‌شیمه‌تی کورد له ئێران و ئاماری ئێعدامه‌کان له‌و وڵاته، له‌و بوارەی پێشێلکردنی مافی مرۆڤیشدا کورد هه‌ر به‌شی شێری به‌رکه‌وتووه.
لە ماوەی سێ مانگی سەرەتای ئه‌مساڵدا تەقینەوەی مینە لەکارنەخراوەکان لە کوردستان زیاتر لە ۲۸ قوربانیی وەرگرتوە کە ناوەندی مافی مرۆڤی ڕۆژهەڵاتی کوردستان شوناسی ٩ کەس لەوانی ئاشکرا کردوە. لەو ٩ قوربانییەی تەقینەوەی مین کە ناویان ئاشکرا کراوە یەکیان گیانی لەدەست داوە و ئەوانی دیکە بریندار و نقوستان بوون.
جێی باسە ژمارەی قوربانییانی مینە لەکارنەخراوەکان لە ساڵی ڕابردووشدا لانیکەم ٤٨ کەس بوو کە ناو و ناسناوی ٢٠ کەس لەوان بۆ میدیاکان و ناوەندەکانی داکۆکی لە مافی مرۆڤ ئاشکرا ببوو. لەو ٢٠ کەسە ١٤ کەسیان بریندار و نقوستان ببوون و ٦ کەسیشیان گیانیان لەدەست دابوو.
هەر لە ماوەی بەهاری ئەمساڵدا دەیان کرێکاری کورد لە کوردستان و ناوچەکانی دیکەی ئێران بوونەتە قوربانیی ڕووداوی کار. ناوەندی مافی مرۆڤ بۆ ڕۆژهەڵاتی کوردستان لەو ماوەیەدا ناو و ناسناوی لانیکەم ١٠ کرێکاری کوردی ئاشکرا کردوە بەهۆی جۆراوجۆری وەک سووتان، بەربوونەوە لە بەرزایی و بڕق گرتوویی گیانیان لە دەست داوە.
لە ساڵی ڕابردووشدا زیاتر لە ١٨٠ کرێکاری کورد بەهۆی ڕووداوی کار گیانیان لەدەست دا کە ناوەندی مافی مرۆڤ بۆ ڕۆژهەڵاتی کوردستان ناو و شوناسی ٥٤ کەس لەوانی تۆمار کردبوو، ئەوە جیا لەو سەدان کەسەی بەهۆی ڕووداوی کار و لە نەبوونی ستانداردە ئەمنیەتییەکاندا بریندار و نقوستان ببوون.
ئاماری خۆکوژییەکانیش لە کوردستان بەهۆی پەرەسەندنی خەمۆکی و قەیرانەکانی بێکاری و ئابووری هەروەها؛ کەمتەرخەمیی دامودەزگا دەوڵەتی و حکومییەکانەوە لە ماوەی ئەو سێ مانگەی بەهاردا دیار و بەرچاو بووە.
لە ماوەی ئەو سێ مانگەدا هەر نەبێ ٨٥ کەس لە کوردستان خۆیان کوشتووە کە ناوەندی مافی مرۆڤی ڕۆژهەڵاتی کوردستان شوناسی ٦٩ کەس لەوانی بە ڕوونی تۆمار کردوە. که‌م ته‌مه‌نترینیان کچێکی ١٢ ساڵ و به‌ته‌مه‌نترینیان پیاوێکی ته‌مه‌ن ٥٦ ساڵ بووه. جێی باسە بە بەراورد لەگەڵ ماوەی هاوشێوەی ساڵی ڕابردوو کە ٤٢ کەس بەهۆی خۆکوژی کۆتاییان بە ژیان هێنابوو، دەردەکەوێ کە حاڵەتەکانی خۆکوژی لە سەرەتای ئەمساڵەوە تا ئێستا لە چاو ساڵی ڕابردوو بە ڕێژەیەکی بەرچاو زیادی کردوە.
لە ساڵی ڕابردووشدا لانیکەم ٢٥٣ کەس له‌و سه‌دان که‌سه‌ی به‌هۆی جۆراوجۆی وه‌ک هه‌ژاری، بێهیوایی و کێشه‌ی خێزانییەوە هه‌وڵی خۆکوژییان دابوو، هەوڵەکانیان بەداخەوە سەرکەوتوو ببوو و کۆتاییان به ژیانیان هێنابوو. لەو ٢٥٣ کەسە ١٢١ کەسیان ژن و ١٣٢ کەسیان پیاو بوون.
لە ماوەی سێ مانگی بەهاردا لانیکەم ۲۰ بەندکراوی کورد لە زیندانەکاندا بەهۆی کرۆنا گیانیان لەدەست دا کە ناوەندی مافی مرۆڤ بۆ ڕۆژهەڵاتی کوردستان ناو و ناسناوی زیاتر لە ١٠ کەس لەوانی ئاشکرا کردوە. هەروەها ڕۆژی سێشەممە، ٣٠ی بانەمەڕ فەرمانبەرانی شارەوانیی ناوچەی ٣ی کرماشان خانوویەکیان لە گەڕەکی فەدەک کە گوایە مۆڵەتی یاسایی نەبووە، ڕووخاندوە و لە ئاکامدا لەگەڵ بەرگریی ئەندامانی ئەو بنەماڵەیە بەرەوڕوو بوون. نێردراوەکانی شارەوانی ” ئاسیە پەناهی”، دایکی ئەو بنەماڵەیان داوەتە بەر لێدان و کوتان کە بەو هۆیە گیانی لەدەست دا.
شایانی ئەو ئامار و زانیارییانەی ناوەندی مافی مرۆڤ بۆ ڕۆژهەڵاتی کوردستان لەسەر پێشێلکردنی مافی مرۆڤ لەو بەشەی ئێران بڵاوی کردۆتەوە تەنیا ئەو بەشە لەو حاڵەتانە دەگرێتەوە کە هەواڵ و زانیارییەکان بە ئاشکرا بە میدیایی کراون و لە لایەن سەرچاوە باوەڕپێکراوەکانەوە ئاماژەیان دراوەتێ، ئەگینا ئەو ناوەندە پێی وایە کە ئاماری ورد و دروستی پێشێلکاریی مافی مرۆڤ لە کوردستان بەهۆی کۆماری ئیسلامیی ئێران زۆر زیاتر لەو ئامارەیە کە ده‌خرێته به‌رچاو.
خشتەی پێشێلکردنەکانی مافی مرۆڤ لە کوردستان لە سێ مانگی سەرەتای ساڵی ١٣٩٩ی هەتاویدا بەشێوەی خوارەوە دەخرێتە بەرچاو:
ئەو کۆڵبەر و کاسبکارانەی لە سێ مانگی بەهاری ۱۳۹۹دا کوژراون و بریندار بوون
| ڕیز | ناو و ناسناو | خەڵکی | جۆری زیان | وردەکاری لەسەر ڕووداوەکە | ڕێکەوت |
| ١ | بورهان جنیکانلوو | ماکۆ | کوژراوە | تەمەنی ۲۲ ساڵە و لە بەرزاییەکانی شارۆچکەی بازرگان دراوەتە بەر دەستڕێژ و کوژراوە | ۱۸/۱/۱۳۹۹ |
| ٢ | مەجید جنیکانلوو | ماکۆ | بریندار بووە | لە بەرزاییەکانی شارۆچکەی بازرگان دراوەتە بەر دەستڕێژ و کوژراوە | ۱۸/۱/۱۳۹۹ |
| ٣ | عەسکەر محەممەدی | نەبیکەندی چاڵدران | کوژراوە | دوای چوار ڕۆژ بێسەروشوێن بوونی تەرمەکەی لە بەرزاییەکانی چاڵدران دۆزراوەتەوە | ۲۰/۱/۱۳۹۹ |
| ٤ | مەجید بەرایی | ماکۆ | بریندار بووە | لە بەرزاییەکانی چاڵدران دراوەتە بەر دەستڕێژ و بەتوندی بریندار بووە | ۲۱/۱/۱۳۹۹ |
| ٥ | شێخە ئەحمەدپوور | نمەشیری بانە | کوژراوە | لە بەرزاییەکانی بڕۆیشکانی دراوەتە بەر دەستڕێژی هێزە چەکدارەکانی کۆماری ئیسلامی | ۲۳/۱/۱۳۹۹ |
| ٦ | جەبار ئەفرا | مەلەکشاهیی ئیلام | کوژراوە | لەلایەن هێزە چەکدارەکانی کۆماری ئیسلامییەوە دراوەتە بەر دەستڕێژ | ۲۲/۱/۱۳۹۹ |
| ٧ | سدیق ئەحمەدی | چاڵدران | بریندار بووە | لەلایەن هێزە چەکدارەکانی کۆماری ئیسلامییەوە دراوەتە بەر دەستڕێژ | ۷/۲/۱۳۹۹ |
| ٨ | محەممەد ئیبراهیم‌زادە | سەردەشت | کوژراوە | باوکی سێ منداڵە و بە تەقەی هێزە چەکدارەکانی کۆماری ئیسلامی کوژراوە | ۱۳/۲/۱۳۹۹ |
| ٩ | مەحموود مرادی | بانە | کوژراوە | تەمەن ۲۲ ساڵ لە هەنگەژاڵ بە تەقەی هێزە چەکدارەکانی کۆماری ئیسلامی کوژراوە | ۱۴/۲/۱۳۹۹ |
| ١٠ | لوقمان چوارگۆشە | ورمێ | کوژراوە | لەلایەن هێزە چەکدارەکانی جێگیر لە گوندی “بلەسووری خواروو” دراوەتە بەر دەستڕێژ | ٢٠/٢/١٣٩٩ |
| ١١ | مەنسوور چوارگۆشە | ورمێ | بریندار بووە | لەلایەن هێزە چەکدارەکانی جێگیر لە گوندی “بلەسووری خواروو” دراوەتە بەر دەستڕێژ | ٢٠/٢/١٣٩٩ |
| ۱۲ | مەیسەم محەممەدی | ورمێ | بریندار بووە | لەلایەن هێزە چەکدارەکانی جێگیر لە گوندی “بلەسووری خواروو” دراوەتە بەر دەستڕێژ | ٢٠/٢/١٣٩٩ |
| ۱۳ | کەیوان کەوسەری | بانە | گیانی لەدەست داوە | بەهۆی ڕاوەدوونانی هێزە چەکدارەکانی کۆماری ئیسلامی لە بەرزایی بەربۆتەوە | ٢٠/٢/١٣٩٩ |
| ۱۴ | کامران مەولان‌نیا | سەردەشت | کوژراوە | باوکی کچێکی ٥ ساڵانە و بە تەقەی هێزە چەکدارەکانی کۆماری ئیسلامی کوژراوە | ٢٣/۲/۱۳۹۹ |
| ١٥ | ڕەزا سەرشیری | چاڵدران | بریندار بووە | لە سنووری “ساری چیمەن” دراوەتە بەر دەستڕێژ و گوللە بەر لاقی کەوتوە | ٢٤/٢/١٣٩٩ |
| ١٦ | مەناف حەسەن‌زادە | چاڵدران | بریندار بووە | لە سنووری “ساری چیمەن” دراوەتە بەر دەستڕێژ و گوللە بەر لاقی کەوتوە | ٢٤/٢/١٣٩٩ |
| ١٧ | بێهزاد ڕەمەزانی | چاڵدران | بریندار بووە | لە سنووری “ساری چیمەن” دراوەتە بەر دەستڕێژ و گوللە بەر کەلەکەی کەوتوە | ٢٤/٢/١٣٩٩ |
| ۱۸ | ئارام مەولوودی | شنۆ | گیانی لەدەست داوە | بەهۆی ڕاوەدوونانی هێزە چەکدارەکانی کۆماری ئیسلامی لە چۆمی “گادەر”دا خنکاوە | ٢٦/٢/١٣٩٩ |
| ۱۹ | بەهرام یوسفی | قەتووری خۆی | کوژراوە | لە ناوچە سنوورییەکانی ئێران و تورکیەدا دراوەتە بەر دەستڕێژ | ٢٧/٢/١٣٩٩ |
| ۲۰ | شەمسەدین عومەرپوور | قەتووری خۆی | بریندار بووە | لە ناوچە سنوورییەکانی ئێران و تورکیەدا دراوەتە بەر دەستڕێژ | ٢٧/٢/١٣٩٩ |
| ۲۱ | بێهزاد ساڵحی | روانسەر | کوژراوە | بە تۆمەتی پێبوونی باری قاچاغ لە ماشێنەکەیدا دراوەتە بەر دەستڕێژ | ٣٠/٢/١٣٩٩ |
| ٢٢ | سالار جوانڕۆیی | جوانڕۆ | بریندار بووە | لەلایەن هێزە چەکدارەکانی کۆماری ئیسلامییەوە دراوەتە بەر دەستڕێژ | ٣٠/۲/۱۳۹۹ |
| ٢٣ | کەیهان جوانڕۆیی | جوانڕۆ | بریندار بووە | لەلایەن هێزە چەکدارەکانی کۆماری ئیسلامییەوە دراوەتە بەر دەستڕێژ | ٣٠/۲/۱۳۹۹ |
| ٢٤ | محەممەد ئەمینی | سەوڵاوا | بریندار بووە | لەلایەن هێزە چەکدارەکانی کۆماری ئیسلامییەوە دراوەتە بەر دەستڕێژ | ٣٠/۲/۱۳۹۹ |
| ٢٥ | زەکەریا ڕوانسەری | ڕوانسەر | بریندار بووە | لەلایەن هێزە چەکدارەکانی کۆماری ئیسلامییەوە دراوەتە بەر دەستڕێژ | ٣٠/۲/۱۳۹۹ |
| ٢٦ | مەنسوور ئیسماعیلی | سەردەشت | بریندار بووە | لەلایەن هێزەکانی ڕێژیم لە پاسگای بێتووش دراوەتە بەر دەستڕێژ | ١/٣/۱۳۹۹ |
| ٢٧ | بەختیار قادریان (حەسەن‌نیژاد) | سەردەشت | بریندار بووە | لەلایەن هێزەکانی ڕێژیم لە پاسگای بێتووش دراوەتە بەر دەستڕێژ | ١/٣/۱۳۹۹ |
| ٢٨ | قادر یادسار | ماکۆ | کوژراوە | تەمەن ٢٢ ساڵ و خەڵکی گوندی “دێم قشڵاق”ە و لە ناوچەی سنووری لەگەڵ تورکیەدا دراوەتە بەر دەستڕێژ | ٢/٣/١٣٩٩ |
| ٢٩ | ئەرسەلان ئەحمەدی | ورمێ | کوژراوە | لە بەرزاییەکانی گوندی کوران سەر بە ناوچەی سۆما و برادۆست دراوەتە بەر دەستڕێژ | ٤/٣/١٣٩٩ |
| ٣٠ | توران ئەحمەدی | ورمێ | بریندار بووە | لە بەرزاییەکانی گوندی کوران سەر بە ناوچەی سۆما و برادۆست دراوەتە بەر دەستڕێژ | ٤/٣/١٣٩٩ |
| ٣١ | ڕەدوان ئەحمەدی | ورمێ | بریندار بووە | لە بەرزاییەکانی گوندی کوران سەر بە ناوچەی سۆما و برادۆست دراوەتە بەر دەستڕێژ | ٤/٣/١٣٩٩ |
| ٣٢ | کامڕان گوڵێ | سەردەشت | کوژراوە | لەلایەن هێزەکانی ڕێژیمەوە دراوەتە بەر دەستڕێژ و گیانی لێ ئەستێندراوە | ٥/٣/۱۳۹۹ |
| ٣٣ | ڤەیاد ئەحمەدی | ورمێ | بریندار بووە | لە بەرزاییەکانی گوندی کوران سەر بە ناوچەی سۆما و برادۆست دراوەتە بەر دەستڕێژ | ٦/٣/١٣٩٩ |
| ٣٤ | هادی گولابی | سەقز | کوژراوە | لە بروجێرد بە گومانی پێبوونی باری قاچاغ دراوەتە بەر دەستڕێژ و گیانی لێ ئەستێندراوە | ٨/٣/۱۳۹۹ |
| ٣٥ | موحسین دەروێش‌زادە | خۆی | کوژراوە | لە ناوچەی سنووریی ئەلەند کەوتۆتە بەر دەستڕێژی هێزە چەکدارەکانی کۆماری ئیسلامی | ٨/٣/۱۳۹۹ |
| ٣٦ | ئیبراهیم جۆردیزەج | خۆی | کوژراوە | لە ناوچەی سنووریی ئەلەند کەوتۆتە بەر دەستڕێژی هێزە چەکدارەکانی کۆماری ئیسلامی | ٨/٣/۱۳۹۹ |
| ٣٧ | کامیل گەوهەری | پیرانشار | بریندار بووە | لە ناوچەی سنوورییەکانی پیرانشار دراوەتە بەر دەستڕێژ | ٨/٣/۱۳۹۹ |
| ٣٨ | کەماڵ گەوهەری | پیرانشار | بریندار بووە | لە ناوچەی سنوورییەکانی پیرانشار دراوەتە بەر دەستڕێژ | ٨/٣/۱۳۹۹ |
| ٣٩ | ڕەسووڵ چەپڵەک | پیرانشار | بریندار بووە | لە ناوچەی سنوورییەکانی پیرانشار دراوەتە بەر دەستڕێژ | ٨/٣/۱۳۹۹ |
| ٤٠ | شارام مستەفاپوور | ورمێ | کوژراوە | لەلایەن هێزەکانی ڕێژیمەوە دراوەتە بەر دەستڕێژ | ٨/٣/۱۳۹۹ |
| ٤١ | عەلی خزرزادە | سەردەشت | بریندار بووە | لە ناوچەی سنووریی چۆمان لە بانە دراوەتە بەر دەستڕێژ | ٩/٣/۱۳۹۹ |
| ٤٢ | سەجاد دالایی میلان | چاڵدران | کوژراوە | لە بەرزاییەکانی ناوچەی چاڵدران دراوەتە بەر دەستڕێژ | ١٣/٣/١٣٩٩ |
| ٤٣ | محەممەد ڕۆستەمی | سەقز | بریندار بووە | لە ناوچە سنوورییەکاندا بەتوندی کەوتۆتە بەر لێدان و کوتانی هێزە چەکدارەکان | ١٤/٣/١٣٩٩ |
| ٤٤ | هێمن موزەفەری | نەوسوود | بریندار بووە | لەلایەن هێزە چەکدارەکانی پاسگای “هانی گەرمەڵە”وە دراوەتە بەر دەستڕێژ | ١٤/٣/١٣٩٩ |
| ٤٥ | عەلی مەعاریفی | بانە | بریندار بووە | لەلایەن هێزە چەکدارەکانی کۆماری ئیسلامییەوە دراوەتە بەر دەستڕێژ | ١٥/٣/۱۳۹۹ |
| ٤٦ | عومەر مەسڵەحەتی | سەردەشت | کوژراوە | لەلایەن هێزە چەکدارەکانی کۆماری ئیسلامییەوە دراوەتە بەر دەستڕێژ | ١٧/٣/۱۳۹۹ |
| ٤٧ | بێهرووز عوسمانی | سەردەشت | کوژراوە | لەلایەن هێزە چەکدارەکانی کۆماری ئیسلامییەوە دراوەتە بەر دەستڕێژ | ١٧/٣/۱۳۹۹ |
| ٤٨ | عەبدوڕەحمان شایقی | سەردەشت | بریندار بووە | لەلایەن هێزە چەکدارەکانی کۆماری ئیسلامییەوە دراوەتە بەر دەستڕێژ | ١٧/٣/۱۳۹۹ |
| ٤٩ | ئومید کووشیار | سەردەشت | بریندار بووە | لەلایەن هێزە چەکدارەکانی کۆماری ئیسلامییەوە دراوەتە بەر دەستڕێژ | ١٧/٣/۱۳۹۹ |
| ٥٠ | فەرهاد کەچانلوو | چاڵدران | کوژراوە | لە گوندی “شێخ عەسکەر” دراوەتە بەر دەستڕێژ و گیانی لێ ئەستێندراوە | ١٧/٣/١٣٩٩ |
| ٥١ | ئەرسەلان عەبدوڵڵایی | سەردەشت | بریندار بووە | لە کوێستانی کانی‌دینار لەلایەن هێزە چەکدارەکانی ڕێژیمی ئێرانەوە دراوەتە بەر دەستڕێژ | ١٨/٣/۱۳۹۹ |
| ٥٢ | ئیبراهیم ڕەسووڵی | سەردەشت | بریندار بووە | لە کوێستانی کانی‌دینار لەلایەن هێزە چەکدارەکانی ڕێژیمی ئێرانەوە دراوەتە بەر دەستڕێژ | ١٨/٣/۱۳۹۹ |
| ٥٣ | هاوبیر ئیبراهیمی | سەردەشت | بریندار بووە | لە کوێستانی کانی‌دینار لەلایەن هێزە چەکدارەکانی ڕێژیمی ئێرانەوە دراوەتە بەر دەستڕێژ | ١٨/٣/۱۳۹۹ |
| ٥٤ | عوسمان ساڵحی | سەردەشت | بریندار بووە | لە کوێستانی کانی‌دینار لەلایەن هێزە چەکدارەکانی ڕێژیمی ئێرانەوە دراوەتە بەر دەستڕێژ | ١٨/٣/۱۳۹۹ |
| ٥٥ | ڕەسووڵ حەسەن‌زادە | سەردەشت | بریندار بووە | لەلایەن هێزە چەکدارەکانی کۆماری ئیسلامییەوە دراوەتە بەر دەستڕێژ | ٢٦/٣/۱۳۹۹ |
| ٥٦ | هادی ڕاستی | بانە | بریندار بووە | لەلایەن هێزە چەکدارەکانی کۆماری ئیسلامییەوە دراوەتە بەر دەستڕێژ | ٢٦/٣/۱۳۹۹ |
| ٥٧ | ئورهان گوروەر | سەڵماس | کوژراوە | لە گوندی “قشقوڵ” دراوەتە بەر دەستڕێژ و گیانی لێ ئەستێندراوە | ٢٧/٣/۱۳۹۹ |
| ٥٨ | سەعید گوروەر | سەڵماس | بریندار بووە | لە گوندی “قشقوڵ” دراوەتە بەر دەستڕێژ و بەتوندی بریندار بووە | ٢٧/٣/١٣٩٩ |
ئەو کەسانەی لە سێ مانگی بەهاری ١٣٩٩دا لە کوردستان بەهۆی چالاکیی سیاسی گیراون
| ڕیز | ناو و ناسناو | خەڵکی | وردەکاری لەسەر پەروەندەکەی | ڕێکەوت |
| ١ | شاکر بێهرووزی | مەرگەوەڕی ورمێ | بە تۆمەتی ئەندامەتیی حیزبی دێموکرات سزای ٥ ساڵ زیندانیی بەسەردا سەپاوە | لە نەورۆزدا حوکمەکەیپێ ڕاگەیەندراوە |
| ٢ | پووریا ئەحمەدی | سنە | بە تۆمەتی ” پڕوپاگەندە دژی نیزام” سزای سێ مانگ و ڕۆژێک زیندانی بەسەردا سەپاوە | ڕۆژانی نەورۆز حوکمەکەیپێ ڕاگەیەندراوە |
| ٣ | ڕەشید ناسرزادە | شنۆ | بە تۆمەتی چالاکیی ئەمنیەتی دژی کۆماری ئیسلامی سزای ٦ ساڵ زیندانی دراوەتێ | ڕۆژانی نەورۆز حوکمەکەیپێ ڕاگەیەندراوە |
| ٤ | ئیسماعیل مەنسووری | کرماشان | بە تۆمەتی هاوکاریکردنی حیزبێکی کوردی سزای ٣ مانگ زیندانیی بەسەردا سەپاوە | لە نەورۆزدا حوکمەکەیپێ ڕاگەیەندراوە |
| ٥ | رەزا عوسمانی | مەریوان | بە تۆمەتی چالاکی سیاسی و ئەمنیەتی دژی کۆماری ئیسلامی گیراوە | لە ڕۆژانی نەورۆزدا گیراوە |
| ٦ | مەنسوور حەبیبی | ورمێ | بە تۆمەتی چالاکی سیاسی و ئەمنیەتی دژی کۆماری ئیسلامی گیراوە | لە ڕۆژانی نەورۆزدا گیراوە |
| ٧ | محەممەد عوبەیدی | مەریوان | بە تۆمەتی چالاکی سیاسی و ئەمنیەتی دژی کۆماری ئیسلامی گیراوە | لە ڕۆژانی نەورۆزدا گیراوە |
| ٨ | ڕەحیم حەسەن مەحاڵی | پیرانشار | بە تۆمەتی سیخوڕی بۆ وڵاتێکی بیانی سزای ٤ ساڵ زیندانی دراوەتێ | ١١/١/١٣٩٩ |
| ٩ | محەممەد ڕاسق قەزڵباش | ورمێ | ڕۆژی ۴ی ڕەشەممە بە تۆمەتی ئەندامەتیی حیزبێکی کوردیی دژبەری ڕێژیم گیراوە | ٨ی خاکەلێوە پێی زاندراوە |
| ١٠ | غوڵامڕەزا نوری‌عەلا | کرماشان | سەرنووسەری ڕۆژنامەی “نقد حاڵ”ە و بە تاوانی بڵاوکردنەوەی هەواڵی پێوەندیداری بە نەخۆشیی کۆرۆنا دەسبەسەر کراوە | ١٤/١/١٣٩٩ |
| ١١ | ئارام خوسرەوی | سنە | لە زیندانەوە بە تۆمەتی هاوکاریی حیزبێکی کوردیی دژبەری ڕێژیم سزای ٣ ساڵ زیندانی بەسەردا سەپاوە | لە زیندان حوکمەی پێ ڕاگەیەندراوە |
| ۱۲ | سەعید ئەحمەدی | پاوە | بەڕێوەبەری کەناڵی تێلگرامی “شارەکەم پاوە”یە و بە تۆمەتی شێواندنی بیروڕای گشتی گیراوە | ۱۶/۱/۱۳۹۷ |
| ۱۳ | فەردین مەولوودی | سنە | گیراوە و بە تۆمەتی هاوکاریی حیزبێکی کوردی سزای ٣ مانگ و ڕۆژێک زیندانیی بەسەردا سەپاوە | ١٧/١/١٣٩٩ |
| ۱۴ | کامڕان ساختومانگەر | سنە | لە زیندانەوە بە تۆمەتی هاوکاریی حیزبێکی کوردیی دژبەری ڕێژیم سزای ۶ ساڵ زیندانییەکەی پشتڕاست کراوەتەوە. | لە زیندان حوکمەی پێ ڕاگەیەندراوە |
| ۱۵ | وریا دل‌ئەنگیز | مەریوان | بە تۆمەتی تێکدانی نەزمی گشتیی وڵات سزای ۴ مانگ زیندان و ۲۴ قامچیی بەسەردا سەپاوە | ۲۰/۱/۱۳۹۹ |
| ۱۶ | سەعید سەنگەر | مەریوان | دوای ۲۰ ساڵ بەندکران لە زیندان بە تۆمەتی ئەندامەتیی حیزبێکی دژبەری کۆماری ئیسلامی، پەروەندەیەکی دیکەی بۆ کراوەتە و سزای ۱۵ ساڵ زیندانی لەسەر زیاد کراوە | ۲۳/۱/۱۳۹۹ |
| ۱۷ | سەید عەلا حوسێنی | سەقز | بە تۆمەتی پەنادانی زیندانییەک کە لە ڕووداوی ڕاکردنی زیندانیانی سەقز ڕایکردبوو، گیراوە | ۲۴/۱/۱۳۹۹ |
| ۱۸ | ئیسماعیل ئەردەوانی | مەریوان | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۲۶/۱/۱۳۹۹ |
| ۱۹ | ئەکبەر گەوێڵی | سنە | بە بە تۆمەتی ئەندامەتیی حیزبێکی کوردیی دژبەری ڕێژیم سزای ۵ ساڵ زیندانی دراوەتێ | ۲۶/۱/۱۳۹۹ |
| ۲۰ | کامڕان عەبدیپوور | سەقز | بە تۆمەتی پەنادانی زیندانییەک کە لە ڕووداوی ڕاکردنی زیندانیانی سەقز ڕایکردبوو، گیراوە | ۳۱/۱/۱۳۹۹ |
| ۲۱ | سالار سەعیدپوور | سەقز | ئیدارەی ئیتلاعات بە هۆکاری ناڕوون گرتوویەتی | ۳۱/۱/۱۳۹۹ |
| ۲۲ | مەسعوود محەممەدی | دیواندەرە | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ٢/٢/۱۳۹۹ |
| ۲۳ | فاڕووق خانی | دیواندەرە | بە تۆمەتی ئەندامەتیی حیزبێکی کوردیی دژبەری ڕێژیم گیراوە و سزای ۷ مانگ زیندانی دراوەتێ | ۳/۲/۱۳۹۹ |
| ۲۴ | خەلیل کەریمی | بانە | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۶/۲/۱۳۹۹ |
| ۲۵ | کەریم کەریمی | بانە | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۶/۲/۱۳۹۹ |
| ۲۶ | بارزان کەریمی | بانە | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۶/۲/۱۳۹۹ |
| ۲۷ | جەمیل خادەم | ورمێ | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران لە سێ‌ڕییانی “سێروو” گیراوە | ۶/۲/۱۳۹۹ |
| ۲۸ | عەلی ئیسماعیلی | شنۆ | بە تۆمەتی ئەندامەتیی حیزبێکی کوردیی دژبەری ڕێژیم گیراوە و سزای ساڵێک زیندانی دراوەتێ | ۷/۲/۱۳۹۹ |
| ۲۹ | بێستوون ئەحمەدپوور | “بڵەسەن”ی بانە | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۷/۲/۱۳۹۹ |
| ۳۰ | فەرهاد ئەحمەدپوور | “بڵەسەن”ی بانە | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۷/۲/۱۳۹۹ |
| ۳۱ | هادی ئەحمەدپوور | “بڵەسەن”ی بانە | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۷/۲/۱۳۹۹ |
| ۳۲ | یۆسف ئەحمەدی | بانە | چوونەتە سەر باغەکەی و تەقەیان لێكردوە و پاشان بە برینداری دەسبەر کراوە | ۷/۲/۱۳۹۹ |
| ۳۳ | ئیدریس کەریم‌زادە | بانە | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۷/۲/۱۳۹۹ |
| ۳۴ | ساڵح کەریمی | بانە | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۷/۲/۱۳۹۹ |
| ۳۵ | جەلال فاتیمی | بانە | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۷/۲/۱۳۹۹ |
| ۳۶ | سەید سامان حوسێنی | ڕەبەت | بە تۆمەتی ئەندامەتیی حیزبی دێموکرات سزای ۲ ساڵ زیندان و دوورخرانەوە بۆ ئەردەبیلی بەسەردا سەپاوە | ۸/۲/۱۳۹۹ |
| ۳۷ | فەڕشاد ڕەحمانی | کامیاران | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۸/۲/۱۳۹۹ |
| ۳۸ | فاتیح ئەرژەنگی | مەریوان | ئیدارەی ئیتلاعات بە هۆکاری ناڕوون گرتوویەتی | ۱۰/۲/۱۳۹۹ |
| ۳۹ | ڕێبوار(نەوید) سەیدمحەممەدی | پیرانشار | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ١٣/۲/۱۳۹۹ |
| ۴۰ | خالید سەیدمحەممەدی | پیرانشار | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ١٣/۲/۱۳۹۹ |
| ۴۱ | عەبدوڵڵا ئەدوایی | سەوڵاوا | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۱۴/۲/۱۳۹۹ |
| ۴۲ | تارق ڕەحیم‌پوور | سنە | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۱۴/۲/۱۳۹۹ |
| ۴۳ | بنیامین ڕەحیم‌پور | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۱۴/۲/۱۳۹۹ | |
| ۴۴ | ئالان بەنگین | شنۆ | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۱۴/۲/۱۳۹۹ |
| ٤٥ | یەحیا ئیبراهیمی | شنۆ | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۱۴/۲/۱۳۹۹ |
| ٤٦ | بێهنام ئیلیاسی | مەهاباد | بە تۆمەتی ئەندامەتیی حیزبی دێموکرات سزای ۲۵ ساڵ بەندکرانی بەسەردا سەپاوە | ۱۴/۲/۱۳۹۹ |
| ٤٧ | ئیدریس گەلەداری | سنە | تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۱۵/۲/۱۳۹۹ |
| ٤٨ | زانیار نوورمحەممەدی | سنە | تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۱۵/۲/۱۳۹۹ |
| ٤٩ | ئەحمەد مەحموود حەسەن | پیرانشار | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۱۵/۲/۱۳۹۹ |
| ٥٠ | ئەبووبەکر مەحموود حەسەن | پیرانشار | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۱۵/۲/۱۳۹۹ |
| ٥١ | حیسامەدین پیرانی | پیرانشار | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۱۶/۲/۱۳۹۹ |
| ٥٢ | محەممەد قادری | پیرانشار | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۱۶/۲/۱۳۹۹ |
| ٥٣ | سەلام خدری ئاغڵان | پیرانشار | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۱۶/۲/۱۳۹۹ |
| ٥٤ | عەلی قادری | پیرانشار | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۱۶/۲/۱۳۹۹ |
| ٥٥ | ئەمیر قادری | پیرانشار | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۱۶/۲/۱۳۹۹ |
| ٥٦ | واحید قادری | پیرانشار | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۱۶/۲/۱۳۹۹ |
| ٥٧ | ئەسعەدە سووری لاچینی | پیرانشار | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۱۶/۲/۱۳۹۹ |
| ٥٨ | شەهرام کازمیان | ورمێ | حوکمی ٥ ساڵ زیندان بە تۆمەتی هاوکاریکردنی حیزبێکی کوردیی بۆ ٦ ساڵ زیندان زیادی کردوە | ١٨/٢/١٣٩٩ |
| ٥٩ | سامان کەریمی | بانە | بە تۆمەتی هاوکاری لەگەڵ حیزبێکی کوردیی دژبەری ڕێژیم سزای ئێعدامی بەسەردا سەپاوە | لە زیندان‌دایە |
| ٦٠ | ئەکبەر ڕەشیدی | ورمێ | بە تۆمەتی ئەندامەتیی حیزبێکی دژبەری ڕێژیم سزای ۲۱ ساڵ بەندکرانی بەسەردا سەپاوە | لە زیندان‌دایە |
| ٦١ | ڕەسووڵ ڕەشیدی | ورمێ | بە تۆمەتی ئەندامەتیی حیزبێکی دژبەری ڕێژیم سزای ۱۵ ساڵ بەندکرانی بەسەردا سەپاوە | لە زیندان‌دایە |
| ٦٢ | محەممەدعەلی لەشکەری | مەهاباد | بە تۆمەتی ئەندامەتی لە مەکتەبی قوڕئان و دژایەتیی کۆماری ئیسلامی گیراوە | ۲۱/۲/۱۳۹۹ |
| ٦٣ | سەعید ڕەشیدی | مەهاباد | بە تۆمەتی ئەندامەتی لە مەکتەبی قوڕئان و دژایەتیی کۆماری ئیسلامی گیراوە | ۲۱/۲/۱۳۹۹ |
| ۶۴ | سەمیع شەریفیان | پیرانشار | تەمەنی ١٧ ساڵە و بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ٢٢/۲/۱۳۹۹ |
| ٦٥ | سەید ئارام ئەمین‌زادە | بۆکان | بە تۆمەتی هەوڵدان دژی ئەمنیەتی نیشتمانیی وڵات سزای ١١ ساڵ زیندانیی بەسەردا سەپاوە | ٢٣/٢/١٣٩٩ |
| ٦٦ | عەباس سدیقی | پیرانشار | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ٢٦/۲/۱۳۹۹ |
| ٦٧ | یاسر ئەمینی‌ئازەر | مەهاباد | مامۆستای قوتابخانەیە و بە تۆمەتی هەوڵدان دژی ئەمنیەتی وڵات سزای ۱۵ مانگ زیندانیی بەسەردا سەپاوە | ٢٧/۲/۱۳۹۹ |
| ٦٨ | ئیرەج سۆفی محەممەد | مەهاباد | بە تۆمەتی ئەندامەتیی گرووپێکی ئایینی سزای ۱۵ ساڵ بەندکرانی بەسەردا سەپاوە | لە زیندان‌دایە |
| ٦٩ | سدیق سەیفی | دیواندەرە | حوکمی ۵ ساڵ بەندکرانی بە تۆمەتی ئەندامەتیی حیزبێکی کوردیی دژبەری ڕێژیم پشتڕاست کراوەتەوە | لە زیندان‌دایە |
| ٧٠ | یۆسف ئیبراهیم‌زادە | شنۆ | لە تەورێز سەرباز بووە و بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ۲۸/۲/۱۳۹۹ |
| ٧١ | سەکینە پەروانە | کوردی خوراسان | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران سزای ٥ ساڵ زیندانیی دراوەتێ | ٢٨/٢/۱۳۹۹ |
| ٧٢ | شەهاب ئاجی | نەغەدە | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ٣١/٢/۱۳۹۹ |
| ٧٣ | سەلاحەدین خدری | سنە | ئەندامی دارەلعلوومی مزگەوتی ئیبراهیم خەلیلوللا کە بە تۆمەتی بانگەشە دژی ڕێژیم گیراوە | لە مانگی ڕەمەزاندا |
| ٧٤ | محەمەد سوهەیب عەلیمورادی | سنە | ئەندامی دارەلعلوومی مزگەوتی ئیبراهیم خەلیلوللا کە بە تۆمەتی بانگەشە دژی ڕێژیم گیراوە | لە مانگی ڕەمەزاندا |
| ٧٥ | فوئاد زارعی | سنە | ئەندامی دارەلعلوومی مزگەوتی ئیبراهیم خەلیلوللا کە بە تۆمەتی بانگەشە دژی ڕێژیم گیراوە | لە مانگی ڕەمەزاندا |
| ٧٦ | پەیمان ئێرانپەنا | سنە | ئەندامی دارەلعلوومی مزگەوتی ئیبراهیم خەلیلوللا کە بە تۆمەتی بانگەشە دژی ڕێژیم گیراوە | لە مانگی ڕەمەزاندا |
| ٧٧ | محەممەد عەلی ئێرانپەنا | سنە | ئەندامی دارەلعلوومی مزگەوتی ئیبراهیم خەلیلوللا کە بە تۆمەتی بانگەشە دژی ڕێژیم گیراوە | لە مانگی ڕەمەزاندا |
| ٧٨ | سەید محەممەد حوسێنی | سنە | ئەندامی دارەلعلوومی مزگەوتی ئیبراهیم خەلیلوللا کە بە تۆمەتی بانگەشە دژی ڕێژیم گیراوە | لە مانگی ڕەمەزاندا |
| ٧٩ | ڕەزا تەلیوار | سنە | ئەندامی دارەلعلوومی مزگەوتی ئیبراهیم خەلیلوللا کە بە تۆمەتی بانگەشە دژی ڕێژیم گیراوە | لە مانگی ڕەمەزاندا |
| ٨٠ | حوسین عەلیمورادی | سنە | ئەندامی دارەلعلوومی مزگەوتی ئیبراهیم خەلیلوللا کە بە تۆمەتی بانگەشە دژی ڕێژیم گیراوە | لە مانگی ڕەمەزاندا |
| ٨١ | ئیسلام ئەنباخوون | ورمێ | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ١/٣/۱۳۹۹ |
| ٨٢ | شەهریار تەهماسبی | کرماشان | بە تۆمەتی هەوڵدان دژی ئەمنیەتی نیشتمانیی وڵات سزای ٩ مانگ زیندانیی بەسەردا سەپاوە | ٣/٣/١٣٩٩ |
| ٨٣ | ئەردەشیر موسەوی | کرماشان | بە تۆمەتی هەوڵدان دژی ئەمنیەتی نیشتمانیی وڵات سزای ٩ مانگ زیندانیی بەسەردا سەپاوە | ٣/٣/١٣٩٩ |
| ٨٤ | مستەفا باقری ئاشنا | کرماشان | بە تۆمەتی هەوڵدان دژی ئەمنیەتی نیشتمانیی وڵات سزای ٩ مانگ زیندانیی بەسەردا سەپاوە | ٣/٣/١٣٩٩ |
| ٨٥ | ئەرسەلان هیدایەتی | کرماشان | بە تۆمەتی هەوڵدان دژی ئەمنیەتی نیشتمانیی وڵات سزای ٩ مانگ زیندانیی بەسەردا سەپاوە | ٣/٣/١٣٩٩ |
| ٨٦ | سۆهەیلا حیجاب | کرماشان | بە تۆمەتی هەوڵدان دژی ئەمنیەتی نیشتمانیی وڵات سزای ١٨ ساڵ زیندانیی بەسەردا سەپاوە | ٣/٣/١٣٩٩ |
| ٨٧ | کەژوان ئازادیان | مەریوان | خوێندکار و ژینگەپارێز بە تۆمەتی شێواندنی بیروڕای گشتی سزای ۲ مانگ زیندانی بەسەردا سەپاوە | ٧/٣/١٣٩٩ |
| ٨٨ | سەعید ئیقبالی | کرماشان | بە تۆمەتی چالاکی دژی ڕێژیم گیراوە و بۆ کێشانی ماوەی ۵ ساڵ زیندانییەکەی بەڕێی زیندان کراوە | ٩/٣/١٣٩٩ |
| ٨٩ | ڕەسووڵ کەریمی جەلالوەند | کرماشان | بە تۆمەتی چالاکی دژی ڕێژیم گیراوە و بۆ کێشانی ماوەی ۵ ساڵ زیندانییەکەی بەڕێی زیندان کراوە | ٩/٣/١٣٩٩ |
| ٩٠ | عومەر خاکزاد | پیرانشار | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ١١/٣/۱۳۹۹ |
| ٩١ | سۆهەیب ساعیدی | سنە | ئیدارەی ئیتلاعاتی سنە بە هۆکاری نەزاندراو گرتوویەتی | ١٤/٣/١٣٩٩ |
| ٩٢ | بابەک دەبیریان | کرماشان | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ١٧/٣/۱۳۹۹ |
| ٩٣ | نەسروڵڵا لەشەنی | لوڕستان | ڕۆژنامەنووس بووە و لە تورکیە گیراوە و دەزگای ئەمنیەتی ئەو وڵاتە دێپورتی ئێرانی کردووەتەوە | ١٧/٣/۱۳۹۹ |
| ٩٤ | هاجەر سەعیدی | سنە | چالاکی مەدەنی و کرێکارییە و بە تۆمەتی هەوڵدان دژی ئەمنیەتی میللیی وڵات گیراوە | ١٨/٣/۱۳۹۹ |
| ٩٥ | جەعفەر ئەوسافی | بۆکان | بەڕێوەبەری کاناڵێکی خەبەریی تێلێگرام بووە و ئیدارەی ئیتلاعات گرتوویەتی | ١٨/٣/۱۳۹۹ |
| ٩٦ | حەیدەر قوربانی | کامیاران | لە شاری تاران بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ١٨/٣/۱۳۹۹ |
| ٩٧ | مەجید حیجاب | کرماشان | برای “سۆهەیلا حیجاب”ە و هێزەکانی ساڕوڵڵای کرماشان گرتوویانە | ١٩/٣/١٣٩٩ |
| ٩٨ | خەیرەت پەروازە | مەریوان | خەڵکی نێی مەریوانە و بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ١٩/٣/١٣٩٩ |
| ٩٩ | داریووش نیکزاد | تیکاب | بە تاوانی ناڕەزایەتی دەربڕین بە بارودۆخی کرێکارانی “ئاق‌دەرە” سزای ٢١ مانگ زیندانی دراوەتێ | ٢١/٣/١٣٩٩ |
| ١٠٠ | شەهرام سەفەری | سەرپێلی زەهاو | بە تۆمەتی بڵاوکردنەوەی بانگەشە دژی بەرپرسان لە تێلێگرامی “ڕاوێژ پرێس” دا سزای ٩١ ڕۆژ زیندانی دراوەتێ | ٢٣/٣/۱۳۹۹ |
| ١٠١ | سوحبەتوڵڵا ئۆمیدی | کرماشان | بە تۆمەتی ئەندامەتی حیزبێکی کوردیی دژبەری ڕێژیمی ئێران سزای ١٠ ساڵ بەندکرانی لە دادگای پێداچوونەوەدا پشتڕاست کراوەتەوە | ٢٤/٣/۱۳۹۹ |
| ١٠٢ | سەید کەماڵ حوسێنی | سەقز | لەژێر ئەشکەنجەی سەخت و تاقەت‌پڕووکێنی ناوەندە ئەمنیەتییەکاندا گیانی لەدەست داوە | ٢٤/٣/۱۳۹۹ |
| ١٠٣ | یادگار دڵجوو | مەریوان | بە تۆمەتی ئەندامەتیی حیزبێکی دژبەری ڕێژیم سزای ۷ مانگ بەندکرانی بەسەردا سەپاوە | ٢٥/٣/١٣٩٩ |
| ١٠٤ | سەرکەوت عیبادی | مەریوان | بە تۆمەتی ئەندامەتیی حیزبێکی دژبەری ڕێژیم سزای ساڵێک بەندکرانی بەسەردا سەپاوە | ٢٥/٣/١٣٩٩ |
| ١٠٥ | سەڵمان ئۆلفەتی | گەیلانی ڕۆژاوا | بە تۆمەتی هاوکاری لەگەڵ حیزبێکی کوردیی دژبەری ڕێژیمی ئێران گیراوە | ٢٧/٣/۱۳۹۹ |
| ١٠٦ | خەلیل مرادی | جوانڕۆ | دوای ۱۸ مانگ بەندکران لەژێر ئەشکەنجەدا گیانی لێ ئەستێندراوە | ٢٨/٣/۱۳۹۹ |
ناونیشانی ئەو کەسانەی لە سێ مانگی یەکەمی ۱۳۹۹ی هەتاویدا لەدار دراون
| ڕیز | ناو و ناسناو | خەڵکی | وردەکاریی ڕووداو | ڕێکەوت |
| ۱ | مستەفا سەلیمی | سەقز | بە تۆمەتی چالاکیی ئەمنیەتی لە دژی ڕێژیم لە زیندانی ناوەندیی سەقز لەدار دراوە | ۲۳/۱/۱۳۹۹ |
| ۲ | شایان سەعیدپوور | سەقز | بە تاوانی کوشتنی بەئانقەست لە زیندانی ناوەندیی سەقز لەدار دراوە | ۲/۲/۱۳۹۹ |
| ۳ | لوقمان ئەحمەدپوور | بانە | بە تاوانی کوشتنی بەئانقەست لە زیندانی ناوەندیی سنە لەدار دراوە | ۳/۲/۱۳۹۹ |
| ۴ | تورەج مورادحاسڵی | کرماشان | بە تاوانی کوشتنی بەئانقەست لە زیندانی ناوەندیی دیزل‌ئاوای کرماشان لەدار دراوە | ۳/۲/۱۳۹۹ |
| ۵ | سینا محەممەدی | دێولان | تەمەن ۲۶ ساڵ و بە تاوانی کوشتنی بەئانقەست لە زیندانی ناوەندیی سنە لەدار دراوە | ۳/۲/۱۳۹۹ |
| ۶ | عەبدولواحید فەیزی | بانە | بە تاوانی کوشتنی بەئانقەست لە زیندانی ناوەندیی سنە لەدار دراوە | ۵/۲/۱۳۹۹ |
| ۷ | ڕامیار موخلیس | بانە | بە تاوانی کوشتنی بەئانقەست لە زیندانی ناوەندیی سنە لەدار دراوە | ۵/۲/۱۳۹۹ |
| ۸ | کەیوان ئەڵڵامورادی | دێولان | بە تاوانی کوشتنی بەئانقەست لە زیندانی ناوەندیی سنە لەدار دراوە | ۸/۲/۱۳۹۹ |
| ۹ | سەلەیمان میرزایی | برووجێرد | دوای ۶ ساڵ مانەوە لە زیندان بە تاوانی پێوەندیدار بە مادە سڕکەرەکان ئێعدام کراوە | ۸/۲/۱۳۹۹ |
| ۱۰ | زۆرار پەیغامی | شنۆ | تەمەن ۵۳ ساڵ بە تاوانی کوشتنی بەئانقەست لە زیندانی ناوەندیی ورمێ لەدار دراوە | ۹/۲/۱۳۹۹ |
| ۱۱ | فایەق شەریفی | دیواندەرە | بە تاوانی کوشتنی بەئانقەست لە زیندانی ناوەندیی سنە لەدار دراوە | ۹/۲/۱۳۹۹ |
| ۱۲ | مێهدی ڕەمەزانی | سۆنقۆڕ | بە تاوانی کوشتنی بەئانقەست لە زیندانی ناوەندیی کرماشان لەدار دراوە | ۹/۲/۱۳۹۹ |
| ۱۳ | یاسر ڕەسووڵی | بۆکان | بە تاوانی کوشتنی بەئانقەست لە زیندانی ناوەندیی ورمێ لەدار دراوە | ۹/۲/۱۳۹۹ |
| ١٤ | ڕەحیم یۆسفی | پیرانشار | بە تاوانی کوشتنی بەئانقەست لە زیندانی ناوەندیی نەغەدە لەدار دراوە | ٢١/٣/۱۳۹۹ |
زانیاری لەسەر ئەو کەسانەی لە سێ مانگی بەهاری ١٣٩٩دا لە کوردستان بوونەتە قوربانیی تەقینەوەی مین
| ڕیز | ناو و ناسناو | خەڵکی | پیشە | جۆری زیان | وردەکاری | ڕێکەوت |
| ١ | مازیار ئوستووکی | میاندواو | سەرباز | بریندار بووە | بەهۆی تەقینەوەی مین لە پایەگایەکی سەقز هەر دوو لاق و دەستێکی پەڕیوە | ١٠/١/١٢٩٩ |
| ٢ | جەواد مێهدی‌زادە | شنۆ | سەرباز | بریندار بووە | بەهۆی تەقینەوەی مین لە پایەگایەکی سەقز دەستی پەڕیوە | ١٠/١/١٢٩٩ |
| ٣ | موحسین مەلەکی | سەقز | سەرباز | بریندار بووە | بەهۆی تەقینەوەی مین لە پایەگایەکی سەقز بەتوندی بریندار بووە | ١٠/١/١٣٩٩ |
| ٤ | بێهرووز قادری | ورمێ | سەرباز | بریندار بووە | لە ناوچەی مێهران لە ئیلام بەهۆی تەقینەوەی مین بریندار بووە | ١٦/١/١٣٩٩ |
| ٥ | محەممەد ساڵحی | بانە | کرێکار | بریندار بووە | لە کاتی کۆکردنەوەی گیای بەهاریدا بەهۆی تەقینەوەی مین لاقی پەڕیوە | ٢٥/٢/١٣٩٩ |
| ٦ | حەیدەر عەلی‌یاری | بانە | کاسبکار | بریندار بووە | بەهۆی تەقینەوەی مین لە بەرزاییەکانی گوندی “سارداو” لاقی چەپی پەڕیوە | ١٨/٣/١٣٩٩ |
| ٧ | ستار ئەسغەری | پیرانشار | جوتیار | بریندار بووە | لە مەزرا لە کاتی ئاوداشتندا مین لەبن لاقیدا تەقیوەتەوە | ٢٠/٣/١٣٩٩ |
| ٨ | قابیل مەرجانی‌ڕاد | ورمێ | کۆڵبەر | بریندار بووە | بەهۆی تەقینەوەی من لە بن پێیدا لاقێکی پەڕیوە | ٢٦/٣/١٣٩٩ |
| ٩ | ئەحمەد ئەعلەم | بانە | جوتیار | گیانی لەدەست داوە | لە مەزرای گوندی “سووراو” مین لە بن لاقیدا تەقیوەتەوە و کوشتوویەتی | ٢٦/٣/١٣٩٩ |
زانیاری لەسەر ئەو کەسانەی لە سێ مانگی بەهاری ١٣٩٩دا لە کوردستان بوونەتە قوربانیی ڕووداوی کار
| ڕیز | ناو و ناسناو | خەڵکی | جۆری زیان | ڕێکەوت | ڕێکەوت |
| ١ | محەممەد قادری | نەغەدە | گیانی لەدەست داوە | لە کاتی کارکردند کەوتۆتە بن تراکتۆر | ٥/١/١٣٩٩ |
| ٢ | ئەنوەر چەرخ‌ئەنداز | پیرانشار | گیانی لەدەست داوە | بەهۆی برووسک و تەقینەوەی تانکیی گازۆڵ سووتاوە | ٢١/٢/١٣٩٩ |
| ٣ | محەممەد فەیزی‌پوور | سەقز | گیانی لەدەست داوە | تەمەن ۶۵ ساڵ و لە تاران کرێکاری ئارماتۆربەند بووە و لە بەرزایی بەربۆتەوە | ١/٣/١٣٩٩ |
| ٤ | نیگار مرادیان | نەغەدە | گیانی لەدەست داوە | بەهۆی تەقینەوەی گاز گیانی لەدەست داوە | ١٥/٣/١٣٩٩ |
| ٥ | حوسێن ساڵح‌زادە | بۆکان | گیانی لەدەست داوە | لە کاتی هەڵکەندنی بیر بەهۆی گازگرتوویی خنکاون | ١٦/٣/١٣٩٩ |
| ٦ | ڕەز شکاری | بۆکان | گیانی لەدەست داوە | لە کاتی هەڵکەندنی بیر بەهۆی گازگرتوویی خنکاون | ١٦/٣/١٣٩٩ |
| ٧ | عەکاشە ڕەحمەتی | جوانڕۆ | گیانی لەدەست داوە | لەکاتی کارکردن لە بینایەکی نیوەکارە لە بەرزایی بەربۆتەوە | ١٦/٣/١٣٩٩ |
| ٨ | یەعقووب سادقی | قەتووری خۆی | گیانی لەدەست داوە | لەکاتی کارکردن لە بینایەکی نیوەکارە لە بەرزایی بەربۆتەوە | ٢٢/٣/١٣٩٩ |
| ٩ | عەباس خوزەم | سەوڵاوای مەریوان | گیانی لەدەست داوە | لە بەندەر عەباس کاری کردوە و بەهۆی تەزووی کارەبا گیانی لەدەست داوە | ٢٤/٣/١٣٩٩ |
| ١٠ | سەلام گوڵ‌سوور | مەهاباد | گیانی لەدەست داوە | لەکاتی کارکردن لە بینایەکی نیوەکارە لە بەرزایی بەربۆتەوە | ٢٧/٣/١٣٩٩ |
زانیاری لەسەر ئەو کەسانەی لە سێ مانگی بەهاری ١٣٩٩دا لە کوردستان خۆیان کوشتوە
| ڕیز | ناو و ناسناو | خەڵکی | تەمەن | هۆکار و وردەکاری | ڕێکەوت |
| ١ | بیژەن ئەحمەدی‌نیا | کامیاران | ٢٩ ساڵ | بە هۆکاری نادیار خۆی هەڵاواسیوە | ١/١/١٣٩٩ |
| ٢ | زارا ئەحمەدی | جوانڕۆ | نەزاندراو | بەهۆی کێشە لەگەڵ هاوژینەکەی خۆی هەڵاواسیوە | ٣/١/١٣٩٩ |
| ٣ | فەتاح دەشتی | نەغەدە | ٥٦ ساڵ | بەهۆی دەستەنگی و کێشەی ماڵی خۆی هەڵاواسیوە | ٤/١/١٣٩٩ |
| ٤ | خەدیجە ئیبراهیمی | ئیلام | نەزاندراو | بەهۆی کێشەی خێزانی ئاگری لە جەستەی خۆی بەرداوە | ٥/١/١٣٩٩ |
| ٥ | مووسا شەفیعی | کرماشان | ٢٨ ساڵ | بەهۆی دەستەنگی و کێشەی ماڵی خۆی هەڵاواسیوە | ٦/١/١٣٩٩ |
| ٦ | دانیال زەینولعابدین | مەهاباد | ١٩ ساڵ | بەهۆکاری نادیار لە زیندانی ناوەندیی شاری میاندواودا خۆی کوشتوە | ١٤/١/١٣٩٩ |
| ٧ | سروە عەبدی | تۆمارقامیشی سەقز | ١٦ ساڵ | بەهۆی ڕێگری بنەماڵەکەی شووکردن بە خۆشەویستەکەی خۆی هەڵاواسیوە | ١٤/١/١٣٩٩ |
| ٨ | زەینەب جەهانگیری | ئیلام | ۱۲ ساڵ | بەهۆی هەژاریی بنەماڵەکەیئ خۆی هەڵاواسیوە | ۱۵/۱/۱۳۹۹ |
| ۹ | مەیسەم تەهماسەبی | دێولان | نەزاندراو | بە هۆکاری نادیار خۆی هەڵاواسیوە | ١٦/١/١٣٩٩ |
| ۱۰ | ئەڕدەڵان … | کرماشان | ۲۴ ساڵ | دوای شەڕ و دەمەقاڵە لەگەڵ باوکی خۆی هەڵاواسیوە | ۱۷/١/١٣٩٩ |
| ۱۱ | مینا سەداقەت | دێهلۆڕان | نەزاندراو | دوای شەڕ و دەمەقاڵە لەگەڵ مێردەکەی حەبی برینجی خواردوە و خۆی کوشتوە | ۱۷/١/١٣٩٩ |
| ۱۲ | قودرەت بەردان | شێروانی کامیاران | نەزاندراو | بە هۆکاری نادیار خۆی هەڵاواسیوە | ۱۷/١/١٣٩٩ |
| ۱۳ | شادی ئەسغەری | دیواندەرە | ۲۲ ساڵ | بەهۆی کێشەی خێزانی خۆی هەڵاواسیوە | ۱۸/۱/۱۳۹۹ |
| ۱۴ | حەمید ئیبڕاهیمی | دێهلوڕانی ئیلام | نەزاندراو | بەهۆی هەژاری و بێ‌‌ئەنوایی بنەماڵەکەی خۆی کوشتوە | ۲۳/۱/۱۳۹۹ |
| ۱۵ | مەلەک محەممەد باقری | سنە | ۵۱ ساڵ | بەهۆی هەژاری و بێ‌‌ئەنوایی بنەماڵەکەی خۆی کوشتوە | ۲۳/۱/۱۳۹۹ |
| ۱۶ | زیبا خاوەری | کرماشان | ۴۳ ساڵ | دایکی سێ منداڵە و بەهۆی هەژاری خواردنی حەب کۆتایی بە ژیانی هێناوە | ۲۶/۱/۱۳۹۹ |
| ۱۷ | عادڵ ڕەشیدی | ئیلام | ۳۳ ساڵ | بە هۆی هەژاری و بێکارییەوە خۆی هەڵواسی و کۆتایی بە ژیانی خۆی هێناوە | ۲۷/۱/۱۳۹۹ |
| ۱۸ | شەریفە مستەفاپوور | سەقز | ۳۲ ساڵ | بەهۆی کێشەی خێزانی خۆی هەڵاواسیوە | ۲۹/۱/۱۳۹۹ |
| ۱۹ | ئەفسانە ڕەحیمی | سەقز | ۱۹ ساڵ | بەهۆی کێشەی خێزانی خۆی هەڵاواسیوە | ۲۹/۱/۱۳۹۹ |
| ۲۰ | ساسان ئەنساری | کامیاران | نەزاندراوە | بە هۆی هەژاری و بێکارییەوە خۆی هەڵواسی و کۆتایی بە ژیانی خۆی هێناوە | ۲۹/۱/۱۳۹۹ |
| ۲۱ | سەید غەفوور مەجیدی | دیواندەرە | نەزاندراوە | بەهۆکاری ناڕوون خۆی کوشتوە | ۳۱/۱/۱۳۹۹ |
| ۲۲ | دەریا محەممەدی | سنە | ۲۴ ساڵ | بەهۆی کێشەی خێزانی لە نهۆمی پێنجەمی بینایەکەوە خۆی فڕێ داوەتە خوارێ | ۲/۲/۱۳۹۹ |
| ۳۳ | نگین ئەمینی | سۆنقۆڕ | ۳۴ ساڵ | دایکی سێ منداڵ بووە و بەهۆی کێشەی خێزانی خۆی کوشتوە | ۲/۲/۱۳۹۹ |
| ۳۴ | سیمین سەجادی | مێهرانی ئیلام | ۳۰ ساڵ | بەهۆی کێشەی خێزانی و بە خواردنی حەب کۆتایی بە ژیانی هێناوە | ۴/۲/۱۳۹۹ |
| ۳۵ | سارینا غەفووری | سنە | ۲۵ ساڵ | دایکی منداڵێک بووە و بەهۆی کێشەی خێزانی خۆی هەڵاواسیوە | ۵/۲/۱۳۹۹ |
| ۳۶ | مەنیج قادری | نەغەدە | ۲۶ ساڵ | بەهۆی کێشەی خێزانی خۆی هەڵاواسیوە | ۵/۲/۱۳۹۹ |
| ۳۷ | هاوژین مەجیدی | دیواندەرە | ۲۵ ساڵ | بەهۆی کێشەی خێزانی بە خواردنی حەبی برینج کۆتایی بە ژیانی هێناوە | ۵/۲/۱۳۹۹ |
| ۳۸ | هێمن ڕەحیمیان | سنە | نەزاندراوە | بۆ مەرەخەسی لە زیندانەوە هاتبووە ماڵێ و بە هۆکاری ناڕوون خۆی کوشتوە | ۶/۲/۱۳۹۹ |
| ۳۹ | سوومەیە بەهمەنی | مەریوان | ۲۳ ساڵ | دەزگیراندار بووە و بەهۆی کێشەی خێزانی خۆی سوتاندوە | ۸/۲/۱۳۹۸ |
| ۴۰ | شەقایق مرادی | کرماشان | ۳۰ ساڵ | بەهۆی کێشەی خێزانی و لە ڕێگەی خواردنی حەبەوە کۆتایی بە ژیانی هێناوە | ۱۱/۲/۱۳۹۹ |
| ۴۱ | هادی یەزدانی | سەقز | سەروو۴۵ ساڵ | مامۆستای قوتابخانە بووە و بە هۆکاری ناڕوون خۆی کوشتوە | ۱۱/۲/۱۳۹۹ |
| ۴۲ | شیلان شەبڕەنگ | پاوە | ۱۶ ساڵ | بەهۆی کێشەی خێزانی خۆی هەڵاواسیوە | ۱۱/۲/۱۳۹۹ |
| ۴۳ | پەروین فەرتووت | خانکەندیی میاندواو | ۴۹ ساڵ | بەهۆی کێشەی خێزانی خۆی هەڵاواسیوە | ۱۲/۲/۱۳۹۹ |
| ۴۴ | لیقاح حەیدەری | کامیاران | ۵۱ ساڵ | بەهۆی کێشەی خێزانی ئاگری لە جەستەی خۆی بەرداوە و خۆی کوشتوە | ۱۶/۲/۱۳۹۹ |
| ۴۵ | جەلیل تایمورادی | سنە | ٥٠ ساڵ | باوکی سێ منداڵە و بەهۆی هەژاری و نەداری خۆی هەڵاواسیوە | ١٨/٢/١٣٩٩ |
| ٤٦ | ئەسغەر خوسرەوی | روانسەر | ٣٢ ساڵ | کۆڵبەر بووە و بەهۆی هەژاری و بێ‌‌ئەنوایی خۆی هەڵاواسیوە | ٢٨/٢/١٣٩٩ |
| ٤٧ | موفیدە حەسەن‌نیژاد | سەقز | ١٧ ساڵ | خەڵکی گوندی “قەپەغلوو”، بەهۆی هەژاری و دەسکورتیی بنەماڵەکەی خۆی کوشتوە | ٣/٣/١٣٩٩ |
| ٤٨ | وەحید قەنبەروەیسی | سەرپێڵی زەهاو | ٢٥ ساڵ | بە هۆی هەژاری و بێکارییەوە خۆی هەڵواسیوە و کۆتایی بە ژیانی خۆی هێناوە | ٣/٣/۱۳۹۹ |
| ٤٩ | محەممەد گەڕاوەند | دەڕەشاری ئیلام | ١٨ ساڵ | بە هۆی هەژاری و بێکاری ئاگری لە جەستەی خۆی بەرداوە و دوای دوو حەوتوو مردوە | ٤/٣/۱۳۹۹ |
| ٥٠ | حاسڵ ئاڵتوون | پیرانشار | ١٩ ساڵ | بەهۆی کێشەی دەروونی خۆی هەڵاواسیوە | ٥/٣/١٣٩٩ |
| ٥١ | مێهدی ئیمانی | کرماشان | ١٧ ساڵ | بە هۆی هەژاری و بێکارییەوە خۆی هەڵواسیوە و کۆتایی بە ژیانی خۆی هێناوە | ٥/٣/۱۳۹۹ |
| ٥٢ | پەروەر عەلیپوور | مەهاباد | نەزاندراوە | خەڵکی ئوزندەرێ و بە هۆی کێشەی خێزانی خۆی هەڵاواسیوە | ٥/٣/۱۳۹۹ |
| ٥٣ | وریا کامڕەوا | بۆکان | نەزاندراوە | ڕۆژێک دوای مردنی دایکی بە خواردنی حەبی برینج کۆتایی بە ژیانی هێناوە | ١٣/٣/١٣٩٩ |
| ٥٤ | سەلمان عەسکەری | کرماشان | نەزاندراوە | بە هۆی هەژاری و بێکارییەوە خۆی هەڵواسیوە و کۆتایی بە ژیانی خۆی هێناوە | ١٤/٣/۱۳۹۹ |
| ٥٥ | ئاڵا عەنبەری | سەقز | ١٤ ساڵ | بە هۆکارێکی نادیار خۆی هەڵاواسیوە و کۆتایی بە ژیانی هێناوە | ١٤/٣/۱۳۹۹ |
| ٥٦ | دانیال حوسێن‌پوور | سەقز | ١٦ ساڵ | بەهۆی هەژاری بنەماڵەکەی خۆی هەڵاواسیوە | ١٤/٣/۱۳۹۹ |
| ٥٧ | ئارمین ….. | کرماشان | ١١ ساڵ | هەتیو بووە و بێهزیستی وەری نەگرتوە، حەبی برینجی خواردوە و خۆی کوشتوە | ١٥/٣/١٣٩٩ |
| ٥٨ | شەهلا حاجی | بۆکان | ٢٢ ساڵ | خێزاندار بووە و بەهۆی کێشەی خێزانی خۆی هەڵاواسیوە | ١٥/٣/۱۳۹۹ |
| ٥٩ | مەجید …… | تیکاب | نەزاندراوە | بە هۆی هەژاری و بێکارییەوە حەبی خواردوە و کۆتایی بە ژیانی خۆی هێناوە | ۱٦/٣/۱۳۹۹ |
| ٦٠ | جەهانگیر ئازادی | کرماشان | کەمئەندام | لە بەر دەرگای “بونیادی شەهید”ی ڕێژیم خۆی سوتاندوە | ١٩/٣/١٣٩٩ |
| ٦١ | نەهیە ئیمامی | ئیلام | نەزاندراوە | خێزاندار بووە و بەهۆی کێشەی خێزانی حەبی بڕینجی خواردوە و خۆی کوشتوە | ١٩/٣/۱۳۹۹ |
| ٦٢ | نگین کەرەمی | سەقز | ١٧ ساڵ | بەهۆی کێشەی خێزانییەوە خۆی هەڵاواسیوە | ٢٠/٣/١٣٩٩ |
| ۶۳ | ڕۆژین فەلاحی | مەریوان | ٢٢ ساڵ | بەهۆی کێشەی بنەماڵەیی خۆی هەڵاواسیوە و کۆتایی بە ژیانی هێناوە | ٢٢/٣/١٣٩٩ |
| ٦٤ | زێنەب مەجیدی‌فەڕ | ورمێ | سەروو ٣٠ ساڵ | بەهۆی کێشەی خێزانی ئاگری لە جەستەی بەرداوە | ٢٥/٣/١٣٩٨ |
| ٦٥ | سیمین ڕەشیدی | دەڕەشاری ئیلام | سەروو ٣٠ ساڵ | بە هۆکاری نەزاندراو خۆی هەڵاواسیوە | ٢٨/٣/١٣٩٨ |
| ٦٦ | مینا سەمیمی | هەرسینی کرماشان | تازەلاو | بەهۆی کێشەی بنەماڵەیی حەبی برینجی خواردوە | ٢٩/٣/١٣٩٩ |
| ٦٧ | شلێر بەرزنجی | ورمێ | ٢٩ ساڵ | بەهۆی کێشەی خێزانی ئاگری لە جەستەی بەرداوە | ٣٠/٣/١٣٩٩ |
| ٦٨ | شیرین کەمەری | کرماشان | ١٨ ساڵ | لەداخی بەزۆر بەمێرددانی بە چەک تەقەی لە خۆی کردوە | ٣٠/٣/١٣٩٩ |
| ٦٩ | بەهمەن مووسەوی | سنە | ٢٢ ساڵ | بە هۆکاری نەزاندراو خۆی هەڵاواسیوە | ٣٠/٣/١٣٩٩ |