خۆڕاگری: ڕەسووڵ یادیار، هاووڵاتیی دەسبەسەرکراوی خەڵکی بۆکان، پاش چوار مانگ ئازار و ئەشکەنجەدان، بەدانانی بارمتەی قورس و بەشێوەی کاتیی لە بەندیخانە ئازاد کراوە.
بەپێی هەواڵی ماڵپەڕێ ئەنجومەنی زیندانییە سیاسییەکانی ڕۆژهەڵاتی کوردستان “خۆڕاگری” ڕۆژی شەممە، ٢ی جۆزەردانی ١٤٠٥ی هەتاوی “٢٣ی مای ٢٠٢٦ی زایینی” ڕەسووڵ یادیار، هاووڵاتیی دەسبەسەرکراوی خەڵکی شاری بۆکان پاش زیاتر لە چوار مانگ دەسبەسەرکردن، ئازار و ئەشکەنجە و لێکۆڵینەوە لەلایەن ناوەندە سەرکوتکەرەکانی ڕێژیمەوە، بە دانانی بارمتەی قورس بە بڕی شەش ملیارد تمەن و بەشێوەی کاتیی تاکاتی دادگاییکردنەکەی لە بەندیخانە ئازاد کرا.
ناوبراو ڕۆژی ٢٥ی سەرماوەزی ١٤٠٤ی هەتاوی، لەلایەن هێزە سەرکوتکەرەکانی ڕێژیمی ئێرانەوە بەبێ بوونی هیچ بەڵگەیەکی قەزایی و بەشێوەیەکی دڕەندانە دەسبەسەر کرابوو و بۆ ماوەی چەند مانگ لەژێر لێکۆڵینەوە و گوشاری ئەو ناوەندانەدا بوو.
Be the first to comment