خۆڕاگری: میلاد عەلیایینەسەب، هاووڵاتیی خەڵکی دەڕەشار، لەلایەن هێزە سەرکوتکەرەکانی ڕێژیمەوە دەسبەسەر و بێسەروشوێن کراوە.
بەپێی هەواڵی ماڵپەڕی ئەنجومەنی زیندانییە سیاسییەکانی ڕۆژهەڵاتی کوردستان “خۆڕاگری” ڕۆژی پێنجشەممە، ٥ی خەرمانانی ١٤٠٥ی هەتاوی “۲۷ی ئاگۆستی ۲۰۲٦ی زایینی”میلاد عەلایینەسەب، هاووڵاتیی خەڵکی شارۆچکەی “دەڕەشار”ـی سەر بە پارێزگای ئیلام، لەلایەن هێزە داگیرکەرەکانی ڕێژیی ئێرانە بەبێ بوونی هیچ بەڵگەیەک دەسبەسەر کراوە و گوازراوەتەوە بۆ شوێنێکی نادیار.
بنەماڵەی ناوبراو بۆ ئاگاداربوون لە چارەنووس و دۆخی کوڕەکەیان، چەندین جار سەردانی ناوەندە سەرکوتکەر و دامودەزگا پەیوەندیدارەکانی ڕێژیمیان کردووە، بەڵام سەرەڕای بەدواداچوونەکانیان، تائێستا هیچ وەڵامێکی ڕوونیان وەرنەگرتووەتەوە و چارەنووسی ناوبراو نادیارە و هەروەها تا کاتی ئامادەکردنی ئەم هەواڵە، هۆکاری دەسبەسەرکردن، تۆمەتە ئاراستەکراوەکان و ئەو شوێنەی کە ناوبراوی تێدا ڕاگیراوە، بە تەواوی نادیارە و هیچ زانیارییەکی ورد لەو بارەیەوە لەبەردەستدا نییە.
Be the first to comment