خۆڕاگری: حەسەن قۆرچی، هاووڵاتیی دەسبەسەرکراوی خەڵکی بۆکان، پاش حەفتەیەک ڕاگیران، بە دانانی بارمتە لە بەندیخانە ئازاد کرا.
بەپێی هەواڵی ماڵپەڕی ئەنجومەنی زیندانییە سیاسییەکانی ڕۆژهەڵاتی کوردستان “خۆڕاگری” ڕۆژی چوارشەممە، ۳۰ی خەزەڵوەری ۱٤۰٥ی هەتاوی “۱٨ی نۆڤەمبەری ۲۰۲٦ی زایینی” حەسەن قۆرغچی، هاووڵاتیی دەسبەسەرکراوی خەڵکی شاری بۆکان، پاش حەفتەیەک دەسبەسەربوون، بەدانانی بارمتەی قورس بە بڕی ٥ملیارد تمەن و بەشێوەی کاتی تا کاتی دادگاییکردنەکەی لە بەندیخانەی ناوەندیی بۆکان ئازاد کرا.
ناوبراو پێشتر لەگەڵ ئامۆزایەک و دوو برای خۆی لەلایەن هێزە سەرکوتکەرەکانی سپای تێرۆریستی پاسدارانی ڕێژیمەوە دەسبەسەر کرابوون و ئەوان دوای چەند کاتژمێرێک ئازاد کران، بەڵام حەسەن قۆرغچی بە تۆمەتی وێنەگرتن لە ناوچەیەکی سەربازی ڕەوانەی بەندیخانە کرابوو.

Be the first to comment