خۆڕاگری: کاوە عوسمانی هاووڵاتیخەڵکی بانە لەلایەن هێزە سەرکوتکەرەکانی ڕێژیمەوە دەسبەسەر و گوازراوەتەوە بۆ شوێنێکی نادیار.
بەپێی هەواڵی ماڵپەڕی ئەنجومەنی زیندانییە سیاسییەکانی ڕۆژهەڵاتی کوردستان “خۆڕاگری” ڕۆژی سێشەممە ١٢ی خەزەڵوەری ١٤٠٥ی هەتاوی،٣ نوامبەری ٢٠٢٦ی زاینیی، هێزەکانی ئیدارەی (ئیتڵاعات) بە هەڵکوتانە سەر ماڵی «کاوە عوسمانی»، هاووڵاتیی تەمەن ٥٦ ساڵی خەڵکی بانە، بێ ئەوەی هیچ بڕیارێکی دادوەرییان پێ بێت، ناوبراویان دەستبەسەر کرد.
باس لەوە دەکرێت کە هێزە ئەمنییەکان پاش دەستبەسەرکردنی ئەم هاووڵاتییە، ناوبراویان بۆ لێکۆڵینەوە ڕەوانەی دەستبەسەرگەی ئیدارەی ئیتلاعات لە شاری سنە کردووە.
تا کاتی ئامادەکردنی ئەم ڕاپۆرتە، هیچ زانیارییەکی ورد لەسەر هۆکاری دەستبەسەرکردن، تۆمەتە ئاراستەکراوەکان و بارودۆخ و شوێنی ڕاگرتنی کاوە عوسمانی لەبەر دەستدا نییە.
