خۆڕاگری: یۆنس بەکری، یاسر هەواسی و ڕۆحوڵڵا غوڵامی سێ هاووڵاتیی دیکەی خەڵکی ئاسمانئابادی ئیلام، لەلایەن هێزە سەرکوتکەرەکانی ڕێژیمەوە دەسبەسەر کران.
بەپێی هەواڵی ماڵپەڕی ئەنجومەنی زیندانییە سیاسییەکانی ڕۆژهەڵاتی کوردستان “خۆڕاگری” ڕۆژی دووشەممە، ٢ی خەرمانانی ١٤٠٥ی هەتاوی “٢٤ی ئاگۆستی ٢٠٢٦ی زایینی” یۆنس بەکری، یاسر هەواسی و ڕۆحوڵڵا غوڵامی، سێ هاووڵاتیی دیکەی خەڵکی شارۆچکەی “ئاسمانئاباد”ـی سەربە پارێزگای ئیلام، لەلایەن هێزە داگیرکەرەکانی ڕێژیمی ئیسلامیی ئێرانەوە بەبێ بوونی هیچ بەڵگەیەک دەسبەسەر کراون و گوازراونەتەوە بۆ شوێنێکی نادیار.
ئەو سێ هاووڵاتییە لە دوای دەسبەسەرکردنیانەوە تائێستا هیچ زانیارییەکی ڕاست و دروست لەسەر هۆکاری دەسبەسەرکردن، شوێنی ڕاگیران و چارەنووسیان لەبەردەستدا نییە و هەواڵ و بەدوداچوونی بنەماڵەکەشی بێئاکام ماوەتەوە و ناوەندە سەرکوتکەرەکانی ڕێژیم لەماوەی سێ ڕۆژی ڕابردوودا تائێستا لەو شارۆچکەیە چوار هاووڵاتییان دەسبەسەر کردووە.
Be the first to comment