دەسبەسەرکردنی وەرزشکارێکی خەڵکی بۆکان لەلایەن هێزە ڕێڕیمەوە

خۆڕاگری: کۆمار بابانی، وەزرشکاری تەمەن ۱۷ساڵانی خەڵکی بۆکان، لەلایەن هێزە داگیرکەرەکانی ڕێژیمەوە دەسبەسەر و گوازراوەتەوە بۆ شوێنێکی نادیار.
بەپێی هەواڵی ماڵپەڕی ئەنجومەنی زیندانییە سیاسییەکانی ڕۆژهەڵاتی کوردستان “خۆڕاگری” ڕۆژی دووشەممە، ١٢ی ڕەزبەری ١٤٠٥ی هەتاوی (٥ی ئۆکتۆبەری ٢٠٢٦ی زایینی) کۆمار بابانی، وەرزشکاری تەمەن ۱۷ساڵانی بواری هونەرە جەنگییە تێکەڵەکان، (MMA) و هاووڵاتیی خەڵکی شاری بۆکان، لەلایەن هێزە داگیرکەرەکانی ئیدارەی ئیتلاعاتی ڕێژیمی ئێرانەوە بەبێ بوونی هیچ بەڵگەیەک دەسبەسەر کراوە و گوازراوەتەوە بۆ شوێنێکی نادیار و چارەنووسی ناڕوونە.
هێزە سەرکوتکەرەکانی بەشێوەیەکی دڕەندانە هەڵیانکوتاوەتە سەر ناوبراو و بە بەکارهێنانی کردەوەی توندوتیژی دەسبەسەریان کردووە و ڕفاندوویانە بۆ شوێنێکی نادیار و تائێستا هیچ زانیاریەکی ڕاست و دروست لەسەر هۆکاری دەسبەسەرکردن، شوێنی ڕاگیران و چارەنووسی لەبەردەستدا نییە و هەوڵ و بەدواداچوونی بنەماڵەکەشی بێئاکام ماوەتەوە.